انقرہ (این این آئی )ترک صوبے گریسون میں موسلا دھار بارشوں اور سیلاب سے ہونے والے مختلف حادثات میں پانچ افراد ہلاک اور متعدد لاپتہ ہوگئے۔غیرملکی خبررساں ادارے کے مطابق گریسون کے ضلع دیریلی میں موسلا دھار بارشوں سے رہائشی عمارتیں گر گئیں

درجنوں گاڑیاں سیلابی ریلے میں بہہ کر کیچڑ اور مٹی میں دھنس گئیں اور سڑکیں ٹوٹ پھوٹ کا شکار ہوگئیں۔ترک حکام کا کہناتھا کہ گریسون میں رواں ماہ معمول سے ڈیڑھ گنا زیادہ بارشیں ہوئیں، جبکہ متاثرہ علاقے میں امدادی کارروائیوں اور بحالی کا کام جاری ہے۔

موضوعات:ترکی میں موسلا دھار بارشوں سے ہر طرف تباہی