دبئی (مانیٹرنگ ڈیسک) متحدہ عرب امارات نے حال ہی میں سوڈان کی خود مختاری کونسل کے نائب صدر، ریپڈ سپورٹ فورسز کے کمانڈر محمد حمدان ڈگلو (ہیمیتی) اور اسرائیل موسود کے سربراہ یوسی کوہن کے درمیان ایک خفیہ میٹنگ کروائی۔ یہ ملاقات اسرائیل اور سوڈان کے درمیان تعلقات کو معمول پر لانے کے لئے کروائی گئی۔ لندن بیسڈ اخبار نیو عرب نے اپنی رپورٹ میں بتایا کہ اس اجلاس میں
متحدہ عرب امارات کے قومی سلامتی کے مشیر سمیت یو اے ای کے اعلیٰ عہدیداروں نے شرکت کی۔ انہوں نے اس بات پر زور دیا کہ سوڈانی فوج کی جانب سے اسرائیل سے تعلقات بہتر بنانے کا مطالبہ کیا جا رہا ہے اور ساتھ ہی اس بات پر زور دیا گیا کہ متحدہ عرب امارات کا کردار متعدد عرب حکومتوں اور عہدیداروں کے مابین اس معاملے کو تیز کرنے میں فیصلہ کن ثابت ہو گا۔ تاہم خودمختاری کونسل کے ترجمان محمد الفکی سلیمان نے ہیمتی اور کوہن کے درمیان ہونے والی ملاقات بارے کسی بھی معلومات سے انکار کیا ہے۔ نیو عرب کے مطابق انہوں نے کہاکہ خود مختاری کونسل نے اس سلسلے میں کوئی بات نہیں کی ہے۔ انہوں نے کہاکہ خودمختاری کونسل کے چیئرمین عبدالفتاح البرہان اور اسرائیلی وزیراعظم نیتن یاہو کے درمیان فروری میں خود مختاری کونسل، وزراء کی کونسل اور آزادی کی فورسز کے درمیان ایک معاہدہ ہوا تھا، آئینی دستاویز کے متن کے مطابق معاہدے میں مبینہ طور پر پوری فائل ایگزیکٹو اتھارٹی کے سپرد کر دی گئی جس کی نمائندگی وزراء کونسل کی جانب سے کی گئی۔ متحدہ عرب امارات نے حال ہی میں سوڈان کی خود مختاری کونسل کے نائب صدر، ریپڈ سپورٹ فورسز کے کمانڈر محمد حمدان ڈگلو (ہیمیتی) اور اسرائیل موسود کے سربراہ یوسی کوہن کے درمیان ایک خفیہ میٹنگ کروائی۔ یہ ملاقات اسرائیل اور سوڈان کے درمیان تعلقات کو معمول پر لانے کے لئے کروائی گئی۔
