واشنگٹن (این این آئی )امریکا کے صدر ڈونلڈ ٹرمپ کے چھوٹے بھائی رابرٹ ٹرمپ انتقال کر گئے، وہ کئی ماہ سے علیل تھے۔امریکی میڈیا کے مطابق امریکی صدر ٹرمپ کے چھوٹے بھائی رابرٹ ٹرمپ کی انتقال کے وقت عمر 72 برس تھی۔امریکی میڈیا کا یہ بھی کہنا تھا کہ وائٹ ہاوس کی جانب سے رابرٹ ٹرمپ کی

بیماری کی تفصیلات جاری نہیں کی گئی ہیں۔واضح رہے کہ صدرِ امریکا ڈونلڈ ٹرمپ کی عمر 74 سال ہے، ان کے ایک بڑے بھائی فریڈ ٹرمپ جونیئر 1983 میں انتقال کر چکے ہیں۔امریکی صدر کی 2 بڑی بہنیں حیات ہیں جن میں میریان ٹرمپ بیری کی عمر 83 سال جبکہ الزبتھ ٹرمپ گراو کی عمر 78 سال ہے۔

موضوعات:ڈونلڈ ٹرمپ