نئی دہلی (این این آئی)بھارت کے سابق صدر پرنب مکھر جی کرونا وائرس کا شکار ہوگئے ،ان کا کووِڈ19کا ٹیسٹ مثبت آیا ہے۔میڈیارپورٹس کے مطابق انھوں نے ایک ٹویٹ میں خود کرونا وائرس کا شکار ہونے کی اطلاع دی ۔انہوں نے کہاکہ
میں اسپتال میں کسی اور غرض سے گیا تھا لیکن میرا کووِڈ19کا ٹیسٹ کیا گیا ہے تو یہ مثبت آیا ہے۔میری گذشتہ ایک ہفتے کے دوران میں مجھ سے رابطے میں رہنے والے تمام لوگوں سے درخواست ہے کہ وہ خود کو الگ تھلگ کر لیں اور کووِڈ-19 کا ٹیسٹ کرالیں۔
