اسلام آباد(نیوز ڈیسک)انسداد دہشت گردی عدالت کی عدالت نے ضمانتی مچلکے پر اعتراض دور کئے جانے کے بعد ایم کیو ایم کے رہنما عامرخان کی رہائی کا حکم جاری کردیا جس کے بعد انہیں سینٹرل جیل سے رہا کردیا گیا۔نجی ٹی وی کے مطابق انسداد دہشت گردی کی خصوصی عدالت کے عملے نے ایم کیو ایم کے رہنما عامر خان کے ضمانتی مچلکوں پر اعتراض کرتے ہوئے ان کے وکیل کو مچلکوں کی دوبارہ تصدیق کی ہدایت کی تھی۔ عامر خان کے وکلا کی جانب سے مچلکوں کی دوبارہ تصدیق کے بعد عدالت نے ان کی رہائی کا حکم جاری کردیا ہے جس کے بعد انہیں سینٹرل جیل کراچی سے رہا کردیا گیا جس کے بعد وہ وہاں سے پارٹی کے مرکز نائن زیرو پہنچ گئے۔