اسلام آباد (این این آئی)اقوام متحدہ جنرل اسمبلی کے 75 ہویں سیشن کے نو منتخب صدر وولکن بوزکر (آج) اتوارکو اسلام آباد پہنچیں گے۔وولکن بوزکر نے اپنے ٹویٹ پیغام میں تصدیق کی کہ بطور نو منتخب صدر اقوام متحدہ جنرل اسمبلی کے 75 ہویں سینشن کے طور پر میں معمول کے مطابق

مختلف ممالک کا دورہ کروں گا۔ وولکن بوزکرنے کہاکہ میں یہ دورے ان ممالک کی جانب سے دعوت ناموں پر کر رہا ہوں۔ نو منتخب صدر اقوام متحدہ جنرل اسمبلی نے کہاکہ اس سکوپ کے ساتھ آج اتوار کو میں اسلام آباد پہنچوں گاتاکہ میں اپنا ملتوی شدہ دورہ کر سکوں۔ وولکن بوزکر نے کہاکہ اسلام آباد میں وزیراعظم عمران خان اور وزیر خارجہ شاہ محمود قریشی سے ملا قاتیں ہو گی،ان ملا قاتوں میں ہم اقوام متحدہ جنرل اسمبلی کے 75 ہویں اجلاس کے ایجنڈاء مسائل و ترجیحات پر تبادلہ خیال کریں گے،قبل ازیں جولائی میں وولکن بوزکر کا پاکستان ملتوی کر دیا گیا تھا۔