کوئٹہ (آ ن لائن)عوامی نیشنل پارٹی نے حکومت بلوچستان سے علیحدگی کا عندیہ دیدیا، اعلان اپوزیشن کی جانب سے بلائے گئے آل پارٹیز کانفرنس سے قبل کیا جائے گامرکز ی اے این پی پارٹی کے ذرائع کے مطابق بلوچستان عوامی پارٹی کی حکومت کے اہم اتحادی جماعت عوامی نیشنل پارٹی نے صوبائی حکومت سے علیحدگی کا عندیہ دے دیا ہے ذرائع کے مطابق اعلان اپوزیشن کے آل پارٹیز کانفرنس سے قبل پارٹی کے مرکزی قیادت کی زیر صدارت اجلاس

کے بعد کیا جائے گا ۔ واضح رہے کہ اپوزیشن کے زیر اہتمام ایوب اسٹیڈیم میں جلسے سے خطاب کے دوران عوامی نیشنل پارٹی کے مرکزی سیکرٹری جنرل میاں افتخار حسین نے کہا تھا کہ ضرورت پڑنے پر اے این پی حکومت بلوچستان سے علیحدگی اختیار کر سکتی ہے۔ یاد رہے کہ عوامی نیشنل پارٹی نے مرکزی و صوبائی عہدیداروں کا مشترکہ اجلاس 10 اگست کو طلب کرلیا ہے جس میں ملکی سیاسی صورتحال سمیت دیگر بارے غور کیا جائے گا۔

موضوعات:عوامی نیشنل پارٹی