لاہور(نیوزڈیسک)پنجاب پولیس کے تھانیداروں کے لئے بری خبر، پنجاب پولیس میں انسپکٹرز کی سیکڑوں اسامیاں خالی ہونے کے باوجود ایک ہزار سے زائد سب انسپکٹر اگلے عہدوں پر ترقیوں سے محروم ہیں۔ پنجاب بھر میں انسپکٹر کے عہدے کی سیکڑوں اسامیاں خالی پڑی ہیں اور ان پر سب انسپکٹرز فرائض انجام دے رہے ہیں لیکن ایک ہزار سے زائد سینئر سب انسپکٹر گزشتہ 7 سال سے انسپکٹرز کے رینک پر ترقیوں سے محروم ہیں، ان سب انسپکٹرز نے انسپکٹر اور ایس ایچ او کے عہدے پر ترقی کے لئے ضروری پروفیشنل کورس بھی کررکھا ہے۔پنجاب حکومت نے اپر کورسکرنے والے سب انسپکٹرز کے لئے اب ایک اور کورس کرنا بھی ضروری قرار دے دیا ہے، ترقی کے خواہش مند کئی سب انسپکٹرز یہ نیا کورس بھی کرنے پر رضامند ہیں جب کہ جن سب انسپکٹرز کی ملازمتوں کی مدت کم رہ گئی ہیں انہوں نے نئے کورس کو بھی طفل تسلی قرار دیتے ہوئے مسترد کردیا ہے۔