دبئی(مانیٹرنگ ڈیسک) عرب امارات کی حکومت نے مساجد میں محدود نمازیوں کو نماز ادا کرنے کی اجازت دے دی۔تفصیلات کے مطابق کرونا وبا کے باعث متحدہ عرب امارات نے مکمل لاک ڈاؤن پالیسی اپناتے ہوئے تمام مساجد میں نماز ادا کرنے پر پابندی لگا دی تھی تاہم آج سے نمازی گھروں کی بجائے مکمل ایس او پیز کو فالو کرتے ہوئے مساجد میں
نماز ادا کریں گے۔متحدہ عرب امارات نے مساجد کے لئے ایس او پیز جاری کرتے ہوئے واضح کیا کہ مسجد کی کل گنجائش کا تیس فیصد نمازیوں سے پر کرنے کی اجازت دی گئی ہے اگر کوئی خلاف ورزی کرے گا تو اس کے خلاف کارروائی کی جائے گی۔جبکہ یہ واضح کیا گیا12سال سے کم عمر بچے اور جن افراد کو سانس کی بیماری لاحق ہے ان پر پابندی برقرار رہے گی ۔
