اسلام آباد(نیوز ڈیسک) زیرو پوائنٹ کے قریب کارکی ٹکر سے دادا،پوتا اورپوتی جاں بحق جبکہ 2 افراد زخمی ہوگئے۔اسلام آباد پولیس کے مطابق زیروپوائنٹ کے قریب تیزرفتارکارڈرائیور سے بے قابو ہوکرسڑک کے کنارے کھڑے افراد پرچڑھ گئی جس کے نتیجے میں دادا،پوتا اورپوتی موقع پرجاں بحق جبکہ اسی خاندان کے 2 افراد زخمی ہوگئے تاہم ڈرائیورفرارہونے میں کامیاب ہوگیا۔پولیس نے لاشوں اورزخمیوں کو پمزہسپتال منتقل کردیا ہے جہاں زخمیوں کو طبی امداد دی جارہی ہے جب کہ پوسٹ مارٹم کے بعد لاشوں کو ورثا کے حوالے کردیا گیا ہے۔