کوپن ہیگن (این این آئی)ڈنمارک کی وزیرِ اعظم میٹے فریڈرکسن نے وبا سے نمٹنے کے لیے بلائے گئے یورپی یونین کے سربراہی اجلاس میں شرکت کی خاطر اپنی شادی ملتوی کر دی ہے۔ ان کی شادی 17 اور 18 جولائی کے لیے طے شدہ اس اجلاس سے ٹکرا رہی تھی۔میڈیارپورٹس کے مطابق وبا کے آغاز سے اب تک پہلی

مرتبہ ایسا کوئی اجلاس منعقد کیا جا رہا ہے۔اس اجلاس میں یورپی رہنما کووڈ 19 سے بحالی کے ایک فنڈ اور ایک نئے بجٹ کی تجاویز پر غور کریں گے۔فریڈرکسن نے کہا کہ انھیں اپنا کام کرنا ہے اور ڈنمارک کے مفادات کا تحفظ کرنا ہے اور کہا کہ انھیں اس بات کی بہت خوشی ہے کہ ان کے منگیتر نہایت صابر ہیں۔