اسلام آباد (این این آئی)نائب صدر پیپلز پارٹی سینیٹر شیری رحمان نے کہاہے کہ وزیراعظم نے اسامہ کو پاکستان کا ہیرو کیسے بنادیا ،آپ کو اندازہ نہیں آپ اس قوم سے خطاب کر رہے جو دہشتگردی کا شکار ہیں۔ جمعرات کو  اورسیز پارٹی کارکنان سے فیس بک پر خطاب کرتے ہوئے انہوںنے وزیراعظم پر تنقید کی اور کہاکہ آپ نے اسامہ کو پاکستان کا ہیرو کیسے بنا دیا، آپ کو اندازہ نہیں آپ اس قوم سے خطاب کر رہے جو دہشتگردی کا شکار ہیں۔شیری رحمان نے کہاکہ بی بی شہید نے آخری سانس تک دہشت گردوں کو للکارا،

بی بی شہید دہشتگردوں سے لڑتے لڑتے شہید ہو گئیں، وزیراعظم دہشت گردوں کو ہیرو بنا کر پیش کر رہے ہیں، جتنا قرضہ اس حکومت نے لیا اور کسی نے نہیں لیا۔شیری رحمان نے کہاکہ اس حکومت کا پورا نظام قرضے پر چل رہا،اب حکومت اپنی ناکامیاں کورونا وائرس میں چھپا رہی، تعمیراتی شعبے میں اپنے دوستوں کو نوازہ گیا ہے، کورونا کے حوالے سے اس حکومت کی کوئی پالیسی نہیںیہ حکومت عوام اور ان کے مسائل نے نا واقف ہے، یہ حکومت اب وینٹی لیٹر پر  چل رہی ہے۔