اسلا م آباد ( آن لائن )پاکستان نے لائن آف کنٹرول پر بلااشتعال فائرنگ پر بھارت سے شدید احتجاج کیا ہے ،بھارتی ناظم الامور گوراہلوالیاکو دفتر خارجہ میں طلب کر کے احتجاجی مراسلہ تھما دیا گیا ۔بھارت مسلسل شہری آبادی پر فائرنگ اور گولہ باری کر کے عالمی قوانین کی خلاف ورزی کررہا ہے۔

ان حرکتوں سے مقبوضہ کشمیر کی صورت حال سے دنیا کی توجہ نہیں ہٹائی جا سکتی ۔ ترجمان دفتر خارجہ کے مطابق 17جون کو بھارتی افواج نے لائن آف کنٹرول کی خلاف ورزی کرتے ہوئے باگسر اور نکیال سیکٹر میں شہر ی آباد ی کو نشانہ بنا یا جس میں بھارتی افواج کی بلااشتعال فائر نگ سے رتہ جبر اور لیوانہ ک 4معصوم شہری شہید اور 1شدید زخمی ہو گیا ، بھارتی افواج کی فائرنگ سے شہید ہونے والوں میں 27سالہ رزیم، 25سالہ تہذیب،13سالہ علی معروف، اور 60سالہ رشید ہ بی بی شامل ہیںجبکہ 61سالہ محمد حسین شدید زخمی ہو ا ۔ ترجمان دفتر خارجہ کے مطابق رواں برس بھارت نے فائربندی انتظام 1410 مرتبہ خلاف ورزیا ں کیں ۔ بھارتی اشتعال انگیزیوں میں 12معصوم شہری شہید جبکہ 102زخمی ہو ئے ۔ترجمان دفتر خارجہ کا کہنا ہے کہ بھارت ان حرکتوں سے مقبوضہ کشمیر کی صورتحال سے دنیا کی توجہ نہیں ہٹا سکتا نتہے شہریوں کو نشانہ بنانا عالمی قوانین، اور اقدار کے منافی ہے ۔ بھارت اقوام متحدہ سلامتی کونسل کی قراردادوں پر عملدرآمد یقینی بنائے اور اقوام متحدہ فوجی مبصر مشن کو لائن آف کنٹرول پر کام کر نے دیا جائے ۔