اسلام آباد(مانیٹرنگ ڈیسک) بھارت میں کورونا کے شبہ میں مسلمان کی لاش کو کچرا وین میں ڈال دیا گیا۔تفصیلات کے مطابق بھارتی ریاست اتر پردیش میں ایک مسلمان کی لاش کو کورونا متاثرہ ہونے کے شبے میں بلدیہ کی کچرا وین میں ڈالنے کی وڈیو وائرل ہونے کے بعد حکام نے تین پولیس اہلکاروں سمیت سات ملازمین کو معطل کر دیا، اس 20 سیکنڈ کی ویڈیو میں دیکھا جا سکتا ہے کہ ضلع بلرام پور میں 45 سالہ محمد انور کی لاش کو بلدیہ کے تین
ملازم کچرا وین میں ڈال رہے ہیں جبکہ تین پولیس اہلکار بھی وہاں موجود ہیں۔ایس پی بلرام پور کے مطابق متوفی بلدیہ کے دفتر کسی کام سے آیا مگر حالت بگڑنے پر بیرونی گیٹ پر ہی دم توڑ گیا ،موت کی وجہ معلوم نہ ہو سکی،اس وقت بلدیہ کی ایمبولینس موجود تھی مگر کورونا کے شبے کی وجہ سے لاش کو اس میں رکھنے سے انکار کر دیا گیا۔راہگیروں نے لاش کو کچرا وین میں ڈالنے کی وڈیو بنا لی جو دیکھتے ہی دیکھتے وائرل ہو گئی ۔
Shameful , appalling visuals from Balrampur . The body of 42 year old Mohd Anwar , who collapsed and died outside a govt office yesterday , dumped in a garbage van in the presence of @balrampurpolice and taken away …. pic.twitter.com/N5DCwe0QC9
— Alok Pandey (@alok_pandey) June 11, 2020
