لاہور (نیوزڈیسک)ملک کے بیشتر میدانی حصوں میں گرمی میں کمی آگئی ہے۔ادھر گلگت بلتستان میں چار دن سے جاری بارش کا سلسلہ تھم جانے کے بعد آج موسم خوشگوار ہے۔پنجاب میں ملتان ، فیصل آباد ، گوجرانوالہ اور گردونواح میں موسم کافی بہتر ہے بلوچستان کے بہت سے شہروں میں گزشتہ دو دن کی بارش کے بعد آج ٹھنڈی ہوائیں چلنے لگی اور گرمی میں کمی آگئی ، ادھر خیبر پختونخوا میں موسم جزوی طور پر ابر آلود ہے۔سندھ کے شہروں میں پہلے کے مقابلے میں کافی حد تک گرمی میں کمی آگئی ہے۔ گلگت بلتستان کے ضلع دیامر سمیت دوسرے اضلاع میں موسم کافی خوشگوار اور سرد ہے۔محکمہ موسمیات کے مطابق آئندہ 24گھنٹوں کے دوران ملک کے بیشتر علاقوں میں موسم گرم اور خشک رہے گا۔ تاہم مالاکنڈ ڈویڑن، گلگت بلتستان اور کشمیر میں چند مقامات پر گرج چمک کے ساتھ بارش کا امکان ہے۔