اسلام آباد(مانیٹرنگ ڈیسک)کورونا وائرس کے بعد دنیا کے مہنگے شہر مہنگے ترین بن گئے، فوربز کے مطابق ہانگ کانگ گزشتہ برس ہونےو الے مظاہروں کے باوجود بھی پہلی جگہ پر برقرار ہے جبکہ ترکمانستان کا شہر اشگبت دنیا کا مہنگا ترین شہر ہوگیا.

مرسر کوسٹ آف لیونگ سروے کے مطابق ترکمانستان کا 12 ماہ پہلے یہ درجہ نہیں تھا اور اب ٹوکیو تیسرے جبکہ زیورخ چوتھے نمبر پر ہے۔رئیل سٹیٹ فرم سی بی آر ای کے مطابق ہانگ کانگ اپنی رئیل سٹیٹ کی افادیت کی وجہ سے مہنگا ترین ہے اور یہ دنیا کا مہنگا ترین شہر کہلاتا ہے۔دوسری جانب اشگبت ہے لیکن اس کی معیشت اور سماجی بحران بھی سب کے سامنے ہے،ایشیا بھی مزید مہنگا ہوگیا ہے،ٹوکیو نمبر تین،سنگاپور پانچویں،شنگھائی7 اور بیجنگ دسویں نمبر کے ساتھ برصغیر کے ٹاپ ٹین میں ہے۔یورپ میں دیکھا جائے تو زیورخ چوتھے نمبر پر اس کے بعد برن آٹھویں اور جینیوا 9ویں نمبر پر ہے۔امریکی شہر نیویارک کا مہنگے ترین ممالک میں 6واں نمبر ہے جبکہ امریکا کا شہر لاس اینجلس 16ویں اور سان فرانسسکو 17 ویں نمبر پر ہے۔سروے میں دیکھا گیا ہے کہ کورونا وائرس نے شہروں کو مہنگا ترین بنادیا ہے،ایک بات یہ بھی سامنے آئی ہے کہ کورونا وائرس کے بعد اب ملازمین کے کام کی جگہ زیادہ درکار ہوگی کیونکہ سماجی فاصلہ رکھنا انتہائی ضروری ہے اور دفاتر کیلئے مزید جگہ درکار ہوگی۔

موضوعات:فوربز