سنتیا گو(این این آئی)چلی کے دارالحکومت سنٹیاگو میں لاک ڈاؤن کے دوران خوراک کی کمی کی وجہ سے پولیس اور مظاہرین میں جھڑپیں ہوئیں جس کے نتیجے میں متعدد افراد زخمی ہوگئے ۔چلی کے مقامی ٹیلی ویژن پر پولیس کو ایل بوسک میں مظاہرین کومنتشر کرنے کیلئے ان پر آنسو گیس اور پانی کا استعامل کرتے ہوئے دکھایا گیا ۔ خیال رہے کہ
مظاہرین پہلے بھی پتھراؤ کرتے اور آگ لگاتے رہے ۔ڈسٹرکٹ میئر سادی میلو نے بتایا کہ بھوک اور کام کی کمی کی وجہ سے ایک انتہائی پیچیدہ صورتحال کا سامنا کرنا پڑ ا ۔بعد ازاں چلی کے صدر سیبیسٹیئن پینارا نے اس بات کی یقین دہانی کرائی کہ ان کی حکومت اگلے ایک آدھ ہفتے میں فوڈ کے 25 لاکھ باسکٹ اور دیگر ضروری اشیا فراہم کرے گی۔
