اسلام آباد( نیوزڈیسک)نیپرا نے عوام کے لیے بجلی 2 روپے 8 پیسے فی یونٹ سستی کرنے کا نوٹیفکیشن جاری کر دیا ، کراچی کے صارفین فائدے سے محروم رہیں گے۔ تفصیلات کے مطابق بجلی کی سینٹرل پاور پرچینگ ایجنسی نے بجلی کی فی یونٹ قیمت کم کرنے کے لیے درخواست دی تھی جس پر نیپرا نے دو جون کو عوامی سماعت کے بعد بجلی کی قیمت دو روپے آٹھ پیسے فی یونٹ کم کرنے کی منظوری دی تھی۔ نیپرا کی طرف سے جاری کردہ نوٹیفکیشن کے مطابق بجلی کی قیمت میں کمی مارچ میں فیول پرائس ایڈجسٹمنٹ کی مد میں کی گئی۔ اس کا اطلاق جولائی کے بلوں پر ہوگا ، نیپرا کا کہنا ہے کہ بجلی سستی ہونے کا فائدہ کراچی کے صارفین کو نہیں ملے گا۔