نیویارک(این این آئی )نیویارک میں لاطینی چرچ سے تعلق رکھنے والے پادری نے انکشاف کیا ہے کہ کورونا وائرس کے باعث نیویارک میں مقیم لاطینی بڑی تعداد میں ہلاک ہوئے ۔امریکی میڈیا کے مطابق پادری کا کہنا تھا کہ نیویارک میں کورونا کے باعث ہلاک ہونے والے ان کی جماعت کے لوگوں
کی شرح نوے فیصد ہے جو کہ لاطینی ہیں اور ان میں زیادہ تر غیر رجسٹرڈ مہاجرین ہیں۔رپورٹس کے مطابق 6 مئی تک نیویارک میں 5 ہزار 200 لاطینی کورونا کے باعث زندگی ہار چکے ہیں۔میڈیا کو انٹرویو دینے والے پادری کے مطابق ان کی اپنی جماعت کے 44 افراد کورونا کے باعث زندگی ہار چکے ہیں۔
