صنعاء (این این آئی )یمن میں کورونا وائرس کے باعث پہلی ہلاکت رپورٹ ہونے کے بعد حوثی باغیوں نے دارالحکومت صنعا اور اپنے زیر اختیار علاقوں میں مساجد بند کرنے کا حکم دے دیا ہے۔غیرملکی خبررساں ادارے کے مطابق اس اقدام کااعلان حوثی علاقوں میں پہلی ہلاکت کی تصدیق کے بعد گذشتہ رات فیس بک پوسٹ میں کیا
گیا۔اس سے پہلے یمن کی عالمی طور پر تسلیم شدہ حکومت نے عدن میں تیسری ہلاکت کی تصدیق کی تھی۔ اس سے پہلے 29 اپریل کو دو افراد ہلاک ہوئے تھے۔تاہم شہر میں موجود طبی اہلکاروں کا کہنا تھا کہ اصل تعداد اس سے کہیں زیادہ ہے۔ انھوں نے وائرس کے باعث ہلاکتوں کی ’خوفناک شرح‘ سے متعلق خبردار کیا ہے۔
