صنعاء (این این آئی)یمن میں باغی حوثی ملیشیا نے ذمار شہر کے مغرب میں واقع ایک گاؤں کی مسجد کے امام اور خطیب کو موت کی نیند سلا دیا۔عرب ٹی وی کے مطابق یہ واقعہ مکعد الامحال نامی گاؤں میں پیش آیا۔مقامی ذرائع کے مطابق حوثی ملیشیا کے درجنوں مسلح ارکان نے نماز جمعہ کے وقت مسجد پر دھاوا بولا اور نمازیوں کے سامنے مسجد کے امام اور خطیب شوقی جابر محمد رفعان کو قتل کر ڈالا

۔مقامی نیوز ویب سائٹس نے بتایا کہ حوثیوں کے غنڈوں نے پہلے نمازیوں پر اندھادھند فائرنگ کی اور پھر امام تک پہنچ کر براہ راست اس کے سینے کوگولیوں سے چھلنی کر دیا،مقامی آبادی کے مطابق حوثیوں نے امام کو مسجد میں تراویح کی نماز نہ روکنے اور غریب گھرانوں میں کھانے پینے کی اشیاکی تقسیم سے متعلق سرگرمیاں جاری رکھنے پر موت کے گھاٹ اتارا۔