دبئی(این این آئی)حاکمِ دبئی شیخ محمد بن راشد آل مکتوم نے رمضان کے آغاز سے قبل 874قیدیوں کی جیلوں سے رہائی کا حکم دیا ہے۔غیرملکی خبررساں ادارے کے مطابق دبئی کے میڈیا دفتر نے ٹویٹر پر ان قیدیوں کی رہائی کی اطلاع دی ۔

شیخ محمد متحدہ عرب امارات کے نائب صدر اور وزیراعظم ہیں۔ وہ ہر سال رمضان کے آغاز سے قبل دبئی کی جیلوں سے معمولی جرائم میں قید افراد کی رہائی کا حکم دیتے ہیں۔واضح رہے کہ رمضان سے قبل یو اے ای میں شامل تمام سات امارتوں میں قیدیوں کی رہائی ایک روایت ہے۔قبل ازیں یو اے ای کے صدر شیخ خلیفہ بن زاید آل نہیان نے 1511 قیدیوں کی رہائی کا حکم دیا تھا۔اس مرتبہ رمضان المبارک غیر معمولی حالات میں آرہا ہے اور یو اے ای نے کرونا وائرس کو پھیلنے سے روکنے کے لیے بعض دوسرے ممالک کی طرح مساجد کو بند کردیا ہے اور مسلمانوں سے درخواست کی ہے کہ وہ رمضان المبارک میں نماز تراویح اپنے گھروں ہی میں ادا کریں۔دنیا کے دوسرے مسلم ملکوں میں بھی کرونا وائرس سے بچا کے لیے رمضان المبارک میں احتیاطی تدابیر اختیار کی گئی ہیں اور مسلمانوں سے کہا گیا ہے کہ وہ نماز تراویح مسجد کے بجائے گھروں میں ادا کریں۔ سعودی عرب کے شاہ سلمان بن عبدالعزیز نے مسجد الحرام اور مسجد نبوی صلی اللہ علیہ وسلم میں تراویح کی صرف دس دس رکعت ادا کرنے کی اجازت دی