اسلام آباد(نیوزڈیسک) قومی اسمبلی میں شیخ رشید اورسپیکرایازصادق کے مابین نوک جھوک جاری رہی ۔شیخ رشید احمد نے کہاکہ آج سپیکرمجھے بولنے کاموقع دے رہے ہیں اللہ انہیں لمبی عمر دے ۔سردارایازصادق نے جواب میں کہاکہ اللہ آپ کولمبی عمردے ۔شیخ رشید نے کہاکہ مجھے لمبی عمرنہیں چاہیے آپ ہی لے لیں ۔شیخ رشید نے تجویز دی ایوان میں عوام کے نمائند ے بیٹھے ہیں اگرآپ لوگوں کوعوام کادرد ہے توآج ایوان کی کارروائی بغیراے سی کے چلائی جائے اورپورے ہال کاائیرکنڈیشن سسٹم بند کردیاجائے اس پرتمام ارکان نے خاموشی سادھ لی ۔غلام احمد بلورنے کہاایک طرف ہمیں بجلی اورپانی میسر نہیں دوسری طرف ہمیں کہاجاتاہے رمضان جانے اورپٹھان جانے ۔وزیزخزانہ اسحاق ڈارکومطالبات زرپیش کرتے ہوئے جب فائل پکڑنے میں مشکل پیش آئی توانوشہ رحمان نے اسمبلی سٹاف کووزیرخزانہ کے سامنے ڈیسک رکھنے کاکہا۔وزیرداخلہ نے سرتاج عزیز کی نشت پرجاکران خیریت دریافت کی ۔