لاہور(نیوز ڈیسک) گلوکارہ شاہدہ منی نے نعتیہ کلام پر مبنی البم شاہ مدینہ کے پانچ ویڈیوز کی ریکارڈنگ مکمل کرلی۔ گلوکارہ نے اپنے البم میں مولانا حسرت موہانی ،پیر سیدنصیرالدین شاہ ،افتخار عارف،نعیم ہاشمی اورحفیظ تائب کا کلام شامل کیاہے۔گلوکارہ شاہدہ منی کاکہناتھاکہ میں نے مذکورہ شعرا کرام کا کلام اس لئے منتخب کیاکہ یہ کلام مجھے بہت پسندتھا۔ آج میں بے حدخوش ہوں کہ میں نے اپناکام مکمل کرلیا ہے۔نعتوں پر مبنی یہ ویڈیو البم بہت جلد ریلیز کردیا جائیگا۔پانچوں ویڈیوز کی ڈائریکشن بابر بخاری نے دی جنہیں لاہور کے مختلف علاقوں میں شوٹ کیاگیاہے۔یہ نعتیہ البم میوزک ورلڈ ریلیز کریگا۔