کراچی(نیوزڈیسک)فوج سے بگڑتے تعلقات،پیپلزپارٹی نے اہم منصوبے پر کام شروع کردیا،پاکستان پیپلزپارٹی نے عسکری قیادت سے تعلقات دوبارہ استوار کرنے کا فیصلہ کرتے ہوئے وزیراعلی سندھ سیدقائم علی شاہ کو آپریشن سے متعلق غلط فہمیاں دور کرنے کا ٹاسک دے دیاہے۔ذرائع کے مطابق لاڑکانہ میں پیپلزپارٹی کے بڑوں کا اہم اجلاس ہوا۔ اجلاس میں فیصلہ کیا گیا ہے کہ عسکری قیادت سے تعلقات دوبارہ استوار کرنے کےلئے وزیراعلیٰ سندھ قائم علی شاہ کورکمانڈر کراچی اور ڈی جی رینجرز سے ملاقات کریں گے جس میں آصف زرداری کے بیان کے بعد آنے والی پیچیدگیاں دور کی جائیں گی۔اجلاس میں قائد حزب اختلاف کو ذمہ داری سونپی گئی کہ وہ وفاقی حکومت اور پیپلزپارٹی کے درمیان دوریاں مٹانے کےلئے اپنا کردار ادا کریں۔ اس سلسلے میں وہ وزیراعظم نوازشریف سے فوری ملاقات کریں