ممبئی (نیوز ڈیسک)شاہد کپور اور کرینہ کی دوستی 2007 میں ٹوٹ گئی تھی اور جب وی میٹ ان کی آخری فلم ثابت ہوئی-بالی وڈ میں کامیاب اور ناکام محبتوں کے قصے یکساں طور پر ملتے ہیں ایسی ایک معروف دوستی کرینہ کپور اور شاہد کپور کی تھی۔کرینہ کپور نے تو سیف علی خان کے ساتھ شادی کرلی اور شاہد کپور تنہا رہ گئے لیکن اب شاہد کپور بھی شادی کر رہے ہیں۔خیال رہے کہ شاہد کپور اور کرینہ کی دوستی 2007 میں ٹوٹ گئی تھی۔کرینہ کپور اس بات سے خوش ہیں کہ شاہد کپور نے انھیں اپنی شادی کے بارے میں میڈیا سے پہلے بتایا کہ ان کا دل دہلی کی ایک لڑکی پر آ گیا ہے۔ایک ویب سائٹ کے مطابق کرینہ کپور نے بتایاکہ ہم دونوں نے ایک حالیہ پروگرام میں ایک ساتھ پرفارم کیا جہاں اس نے مجھے اپنی شادی کے بارے میں بتایا۔ میں اس کے لیے بہت خوش ہوں۔جب ان سے پوچھا گیا کہ کیا وہ شاہد کپور کو کچھ صلاح و مشورہ دینا چاہیں گی تو انھوں نے کہا کہ ’میں صلاح دینے والی کون ہوتی ہوں۔جب شادی میں شرکت کے بارے میں پوچھا گیا تو انھوں نے کہا اگر دعوت ملی تو ضرور۔