کراچی(نیوزڈیسک)وزیراعلی سندھ سید قائم علی شاہ نے کہا ہے کہ رینجرز بھی اپنی فورس ہے، رینجرز کے اختیارات کے حوالے سے بات چیت چل رہی ہے۔ وہ ہفتہ کو سندھ اسمبلی بلڈنگ میں صحافیوں کے سوالوں کا جواب دے رہے تھے۔ ان سے سوال کیا گیا تھا کہ آپ نے ڈی جی رینجرز کو خط لکھا تھا، اس کا کیا جواب آیا؟ وزیراعلی سندھ نے کہا کہ اس مسئلے پر بات چیت چل رہی ہے۔ اس سوال پر کہ کیا رینجرز نے واقعی اختیارات سے تجاوز کیا تھا؟ وزیراعلی سندھ نے برہم ہوتے ہوئے کہا کہ نہیں، ایسی بات نہیں، بات چیت ہورہی ہے، آپ معاملے کو آگے نہ بڑھائیں، رینجرز بھی اپنی فورس ہے۔ ان سے سوال کیا گیا کہ سندھ میں امن و امان کے بارے میں آپ کیا کہیں گے؟وزیراعلی سندھ نے کچھ لوگ کراچی میں امن و امان کی بحالی پر خوش نہیں ہیں، اس وقت نہ صرف کراچی بلکہ پورے سندھ میں امن و امان کی صورتحال قابو میں ہے، امن و امان خراب کرنے والے اسباب کا پولیس اور رینجرز کی مدد سے خاتمہ کیا جارہا ہے