اسلام آباد(نیوز ڈیسک)گوجرانوالہ کے علاقے ایمن آباد میں ایک شخص نے چھریوں کے وار کرکے اپنی دو بیٹیوں کو قتل جبکہ بیوی کو شدید زخمی کر دیا۔ ایمن آباد کے نواحی موضع ڈھلاں والی کے رہائشی شفقت کو شک تھا کہ اس کے گھر میں تعویز گنڈا کرایا جاتا ہے۔ آج صبح گھر میں تعویز برآمد ہونے پر پہلے وہ اپنے ہمسائے میں رہائش پذیر اپنے چچا کے گھر گیا ، چچا کے بہکاوے میں آکر پہلے اپنی سات ماہ کی بیٹی حرم کو چاقو کے وار کرکے قتل کر دیا جس کے بعد دوسری بیٹی دو سالہ ایمان کی جان لے لی۔ ملزم کی بیوی بچیوں کو بچانے آئی تو اسے بھی چاقو مارکر شدید زخمی کردیا۔ چیخ و پکار سن کر اہل علاقہ وہاں پہنچ گئے اور انہوں نے پولیس کو اطلاع کی ، پولیس نے ملزم کو گرفتار کرلیا ہے۔