اسلام آباد(نیوز ڈیسک) راولپنڈی سے راولا کوٹ جانے والی مسافر ویگن نالے میں جاگری جس کے نتیجے میں 7 افراد جاں بحق اور 11 زخمی ہوگئے۔نجی ٹی وی کے مطابق راولپنڈی سے راولا کوٹ جانے والی مسافر وین تیز رفتاری کے باعث گوئی نالہ میں جاگری جس کے باعث 7 افراد جاں بحق اور11 زخمی ہوگئے، جاں بحق ہونے والوں میں ایک خاتون اور 6 مرد شامل ہیں جب کہ زخمیوں میں بھی 3 خواتین شامل ہیں۔ حادثے کے فوری بعد قریب موجود افراد نے اپنی مدد آپ کے تحت زخمیوں کو قریبی ہسپتال پہنچایا جہاں ہسپتال ذرائع کا کہنا ہے کہ زخمیوں میں سے بعض کی حالت تشویشناک ہے۔