ممبئی(نیوز ڈیسک)بالی ووڈ فلم انڈسٹری میں ٹیٹوبنانے کا رواج عروج پر پہنچ چکاہے لیکن کرینہ کپور اس کو جسم کے بگاڑنے کے مترادف تصورکرتی ہیں۔ایک بھارتی اخبار کی رپورٹ کے مطابق بالی ووڈ کی دوسری اداکارائیں اپنے ٹیٹوز کی وقتاً فوقتاً نمائش تو کرتی رہتی ہیں لیکن کرینہ کپور کا کہناہے کہ اسے ان میں بالکل بھی دلچسپی نہیں ہے۔اخبار نے بالی ووڈاداکارہ کے حوالے سے ایک رپورٹ میں لکھاہے کہ وہ ٹیٹو بناکر اپنے جسم کو بگاڑنا نہیں چاہتی۔جب اداکارہ سے یہ سوال کیاگیاکہ اس نے اپنے شوہر سیف علی خان کو اس کا نام بازوں کے اطراف میں لکھوانے کی اجازت کیسے دی تو کرینہ کپور کا کہنا تھا کہ یہ ان کی مجھ سے اظہار محبت کا ایک اپنا طریقہ تھا کیونکہ ہم دونو ں کی زندگی ایک دوسرے کیساتھ وابستہ ہے۔