کراچی (نیوز ڈیسک) شہر قائد میں گزشتہ ایک ماہ کے دوران 5 افراد ایچ ون این ون انفلوائنزا سے انتقال کر گئے۔محکمہ صحت ذرائع کے مطابق جنوری سے اب تک 129 سے زائد افراد ایچ ون این ون انفلوائنزا سے بیمار ہوئے ہیں جبکہ متاثرہ افراد میں 71 خواتین اور 58 مرد شامل ہیں۔ذرائع محکمہ صحت کا کہنا ہے کہ تمام افراد کا تعلق کراچی کے مختلف علاقوں سے ہے۔ماہرین صحت کا بیماری سے بچاؤسے متعلق تجاویز میں کہنا ہے کہ
لوگ صفائی ستھرائی کا خاص خیال رکھیں، چھینکتے اور کھانستے وقت منہ کو ٹشو یا کپڑے سے ڈھانپ لیں۔ماہرین صحت کے مطابق کھانا کھانے سے قبل ہاتھ کو اچھی طرح دھولیں اور بلا ضرورت زیادہ رش والی جگہ پر جانے سے گریز کریں۔بعض افراد نے اس پر تشویش کا اظہار کیاہے اور کہا ہے کہ یہ انفلوائنزا کے بجائے کرونا وائرس ہی نہ ہو دوسری جانب محکمہ صحت نے اسے انفلوائنزا ہی قرار دیا ہے۔
