ممبئی (نیوزڈیسک)بالی ووڈ کے کامیاب اداکار دھرمیندر کا کہنا ہے کہ اگر ان کی زندگی پر کبھی کوئی فلم بنے تو سلمان خان کو اس میں میرا کردار کرنا چاہیے کیوں کہ ہم دونوں میں بہت سی باتیں ملتی ہیں۔دھرمیندر اپنی ذاتی زندگی میں کافی اچھے اور سلجھے ہوئے انسان ہے، ان کے مطابق سلمان خان بھی ان کے جیسے ہی ہیں۔دھرمیندر کا کہنا ہے کہ سلمان خان ایک بہترین اداکار ہونے کے ساتھ ساتھ ایک بہترین انسان بھی ہیں اور ان کی بہت سی عادتیں سلمان خان سے ملتی ہیں۔دھرمندر کا کہنا تھا کہ انہوں نے اداکار سلمان سے عدالت جانے سے قبل بات کرنے کی کوشش کی البتہ سلمان کی مصروفیت کے باعث بات نہیں ہوسکی۔اپنی فلم”یملہ پگلا دیوانا“ کے سیکوئل کے بارے میں دھرمیندر کا کہنا تھا کہ اس فلم کے بننے سے پہلے ہی انہوں نے اپنے بیٹے سنی دیول اور فلم سازوں کو آگاہ کیا تھا کہ یہ فلم اتنی کامیاب نہیں ہوگی اور اس کی ریلیز کے بعد ایسا ہی ہوا۔دھرمندر بہت جلد فلم ”سیکنڈ ہینڈ ہسبینڈ“ میں اداکاری کرتے نظر آئیں گے۔