کراچی (نیوزڈیسک) ڈی جی رینجرز میجر جنرل بلال اکبر نے کہا ہے کہ رینجرز ایپکس کمیٹی کے اختیارات کے مطابق کام کر رہی ہے، ملزمان کا تعلق کسی بھی جماعت سے ہو پکڑیں گے، کراچی میں زمینوں پر قبضوں میں یاسر نامی شخص ملوث ہے۔ وہ جمعرات کو نجی ٹی وی سے گفتگو کر رہے تھے۔ انہوں نے کہا کہ کراچی میں زمینوں پر قبضے میں یاسر نامی شخص ملوث ہے جسے حراست میں لے لیا گیا ہے، یہ ملزم چار افراد کا گینگ چلا رہا تھا، اس سے زمینوں پر قبضوں کے حوالے سے تفتیش جاری ہے۔ انہوں نے کہا کہ رینجرز کراچی میں ایپکس کمیٹی کے اختیارات کے مطابق کارروائیاں کر رہی ہے، ملزمان کا تعلق کسی بھی جماعت سے ہو ہم اسے پکڑیں گے۔