لاہور( این این آئی )پاکستان میں داخل ہونے والے تمام مسافروں کے لئے ہیلتھ ڈیکلریشن فارم جمع کروانا لازمی قرار دیدیا گیا جس میں رابطے کی تفصیلات اور سفر کی مختصر تاریخ شامل ہوگی۔ وزارت صحت نے اس سلسلہ میں ایوی ایشن ڈویژن کو ہدایات جاری کر دی ہیں۔حکم نامے کے مطابق پاکستان میں داخل ہونے کے لئے مکمل شدہ فارم جمع کروانا ضروری ہوگا ۔

جہاز کا عملہ تمام مسافروں میں ہیلتھ ڈیکلریشن کارڈ تقسیم کرے گا ،کرونا وائرس کی وبا ء کے پیش نظر کارڈ میں معلومات کا اندراج کرنا اور کارڈ کو لائونج میں ہیلتھ سٹاف کے حوالے کرنا لازمی قرار دیا گیا ہے بصورت دیگر پاکستان میں داخلہ اور امیگریشن کی اجازت نہیں دی جائے گی۔ڈیکلریشن فارم میں نام،پاسپورٹ نمبر اور پتہ،مختلف ممالک میں قیام اور مسافر کی صحت کی تفصیلات بتانا ہوں گی ۔