پشاور(نیوزڈیسک) پشاور کی مسجد قاسم علی خان نے آج(جمعرات)روزہ رکھنے کا اعلان کردیا ہے۔پشاور کی مسجد قاسم علی خان میں مفتی شہاب الدین پوپلزئی کے زیر صدارت رمضان المبارک کا چاند دیکھنے کے لیے اجلاس ہوا جس میں میں موجود مقامی افراد اور مسجد انتظامیہ نے کل رمضان المبارک کے آغاز کا اعلان کیا۔ میڈیا سے بات کرتے ہوئے مفتی شہاب الدین پوپلزئی کا کہنا تھا کہ کوہاٹ، چارسدہ، مردان اور بنوں سمیت دیگرعلاقوں سے چاند نظر آنے کی شہادتیں موصول ہوئیں جس کے بعد کل سے یکم رمضان المبارک کے آغاز کا فیصلہ کیا گیا ہے۔مسجد قاسم علی خان کے اعلان کے بعد خیبرپختونخوا کے علاقوں کوہاٹ، مردان، بنوں اور چارسدہ سمیت قبائلی علاقوں میں بھی پہلا روزہ رکھا جائے گا۔