سرینگر(این این آئی)مقبوضہ کشمیرمیںبھارتی فوجیوںنے اپنی ریاستی دہشت گردی کی تازہ کارروائی کے دوران منگل کو ضلع پلوامہ میں ایک کشمیری نوجوان کو شہید کردیا ۔کشمیرمیڈیاسروس کے مطابق کشمیری نوجوان زاہد حسین کو ضلع کے علاقے اونتی پورہ میںبھارتی فوج ،

پولیس اور سینٹرل ریزروپولیس فورس کی تلاشی اور محاصرے کی مشترکہ کارروائی کے دوران شہید کیاگیا۔زاہد حسین اسلام آباد قصبے کا رہائشی تھا ۔ ادھربھارتی فوجیوںنے جموںریجن کے اضلاع سانبہ ، کٹھورہ ، رام بن اور راجوری اور وادی کشمیر کے علاقوں سرینگر ، گاندربل، حاجن ، اسلام آباد ، شوپیاں ، پلوامہ اور کولگام میں تلاشی اور محاصرے کی کارروائیاں شروع کیں۔ مقبوضہ علاقے بالخصوص وادی کشمیر اور جموں کے مسلم اکثریتی علاقوں میں منگل کو مسلسل 156ویںروز بھی فوجی محاصرہ اور لاک ڈائون جاری رہاجس سے لوگوں کو شدید مشکلات کا سامنا رہا ۔ مقبوضہ جموںوکشمیر کے صحافیوں کی تقریباتمام تنظیموںنے گزشتہ برس 5اگست سے مسلسل انٹرنیٹ کی معطلی کے خلاف سرینگر پریس کلب میںاحتجاجی دھرنا دیا ۔ صحافیوںنے میڈیا سہولت مراکز میں صحافیوں کو انٹرنیٹ تک محدود رسائی کو توہین آمیز اورمیڈیا پر پابندی قراردیا۔ صحافیوںنے پلے کارڈزاٹھا رکھے تھے جن پر’’ کشمیری صحافیوںکی توہین بند کرو اور 156دنوں سے انٹرنٹ معطل ہے ‘‘جیسے نعرے درج تھے ۔سرینگر کے علاقے نوگام میں بھارتی پولیس کی تیز رفتارگاڑی کی ٹکر سے ایک کشمیری نوجوان کے جاں بحق اورایک نوجوان کے زخمی ہونے کے خلاف لوگوںنے احتجاجی مظاہرہ کیا۔ مظاہرین نے پولیس ڈرائیور کی گرفتاری کا مطالبہ کیا ممتاز قانون دان اور کشمیرہائی کورٹ بار ایسوسی ایشن کے صدر میاں عبد القیوم بھارتی ریاست اترپردیش کی آگرہ جیل میں مختلف عارضوں میں مبتلا ہوگئے ہیں۔ ان کے اہلخانہ نے سرینگرمیں میڈیا کو بتایا ہے کہ ستر سالہ میاں عبدالقیوم کو جیل میںعلاج معالجے کی سہولت سے محروم رکھا جار ہا ہے اور وہ صرف ایک گردے پر زندہ ہیں کیونکہ ان کا دوسرا گردہ پہلے ہی نکالاجاچکا ہے۔