سوات( آن لائن )سٹی ایم پی اے المعروف خادم اعلی لمبی تان کر سوگئے ،مینگورہ شہر میں نئے بننے والے لنک اور مین سڑکوں کے تعمیر میں ناقص میٹریل کے استعمال کا انکشاف ،ایک ہفتہ قبل بنائے جانے والی سڑک میں جگہ جگہ سڑک سے تارکول اُکھڑ گئیں ،سڑک میں کھنڈرات میں تبدیل ہونے لگا ،تفصیلات کے مطابق سوات کے مرکزی شہر اور سٹی ایم پی اے المعروف خادم اعلی فضل حکیم کے آبائی حلقے کے نئے تعمیر ہونے والے سڑکوں میں ناقص میٹریل کے استعمال کا انکشا ف ہوا ہے محلہ عثمان آباد ،لطیف آباد میں نیا تعمیر ہونے والا سڑک جس پر
ایک ہفتہ قبل تارکوں بچھایا گیا تھا اس میںناقص میٹریل کے استعمال کا مبینہ طورپربڑا انکشاف ہوا ہے جس کے باعث اس سڑک میںجگہ جگہ سے تارکول اُکھڑ گیا ہے اور اس میں کھڈے بننے لگے ہیں اسی طرح مینگورہ شہر کے دیگر سڑکیں جس پر حالیہ مہینے میں تارکول بچھایا گیا ہے اس میںبھی مقررہ معیار سے کم میٹریل استعمال ہونے کا مبینہ انکشاف سامنے آیا ہے ادھر کرپشن کے خاتمے کے دعویدار سٹی ایم پی اے کے ناک تلے اُن کے آبائی حلقے کے سڑکوںمیں ناقص میٹریل استعمال ہورہا ہے لیکن وہ لمبی تان کر سورہے ہیں اور اُن کو چیک کرنے کی فرصت نہیں ہے۔
