اسلام آباد(نیوزڈیسک) وفاقی وزیرداخلہ چوہدری نثارعلی خان کا کہنا ہے کہ گورنر سندھ ڈاکٹر عشرت العباد کو عہدے سے کی کوئی تجویز زیرغورنہیں ہے وہ بدستورعہدے پرکام کرتے رہیں گے ۔ چوہدری نثار کا کہنا تھا کہ عمران فاروق قتل کیس میں پیشرفت ہوئی ہے اور مجرموں کو کٹہرے میں لائیں گے جب کہ اس حوالے سے حکومت پاکستان برطانوی پولیس سے تعاون کر رہی ہے اور قتل کیس میں برطانیہ سے بات چیت تیزی سے آگے بڑھ رہی ہے، اگلے ہفتے کیس سے متعلق تفصیلی بریفنگ دوں گا۔ ان کا کہنا تھا کہ جو پاکستان کے خلاف ہتھیار اٹھائے گا اس کے راستے میں رکاوٹ کھڑی کی جائے گی تاہم بلوچستان میں ہتھیار ڈالنے کی روایت اچھی ہے۔