اسلام آباد (آن لائن)وزارت خارجہ میں بڑے پیمانے پر نامزدگیاں، تقرریاں اور تبادلے, حکومت نے 21 سینئر افسران کو اہم ممالک میں سفیر اور قونصل جنرل نامزد کر دیا ہے ذرائع کے مطابق وزیراعظم عمران خان نے تمام نئی نامزدگیوں، تقرریوں اور توسیع کی منظوری دے دی ہے. دفتر خارجہ سے اہم زرائع کے مطابق حکومت نے 17 نئے سفراء نامزد، ایک کو توسیع اور 3 قونصل جنرل تعینات کیے ہیں.
حکومت کی جانب سے نامزد کردہ 17 نئے سفراء میں بری اور بحری افواج کے دو سابق سینئر افسران بھی سفیر مقرر کئے گئے ہیں۔ وزارت خارجہ نے کئی اہم ممالک میں سفرا اور قونصل جنرل تبدیل کردیئے ہیں جن کی منظوری وزیر اعظم عمران خان نے بھی دے دی ہے۔ ترجمان دفتر خارجہ ڈاکٹر محمد فیصل کا تبادلہ کر دیا گیا انہیں جرمنی میں پاکستانی سفیر نامزد کر دیا گیا ہے۔وزارت خارجہ میں اہم تقرر و تبادلے ہوئے ہیں، ترجمان دفترخارجہ ڈاکٹر فیصل جرمنی میں پاکستانی سفیر نامزد ہوئے ہیں، رحیم حیات قریشی کو ایران میں پاکستان سفیر نامزد کیا گیا ہے۔ شفقت علی خان روس میں پاکستانی سفیر ہونگے۔21 سینئر افسران کی سفیر اور قونصل جنرل کے عہدے پر تقرری کی گئی ہے، جرمنی میں پاکستانی سفیر جوہر سلیم اٹلی میں پاکستانی سفیر ہونگے۔ ایڈیشنل سیکرٹری وزارت خارجہ ندیم خان یونان میں سفیر ہونگے۔ڈی جی یورپ ملک فاروق پولینڈ کے لیے سفیر نامزد کیے گئے ہیں، محمد طارق وزیر کو مانچسٹر میں قونصل جنرل مقرر کیا گیا ہے۔ ڈی جی کاونٹر ٹیررزم وزارت خارجہ احمد فاروق ڈنمارک کے لیے سفیر نامزد کیے گئے ہیں۔ممتاز زہرہ بلوچ کو جنوبی کوریا میں سفیر نامزد کیا گیا ہے، ظفراقبال رومانیہ، محمد خالد اعجاز ارجنٹینا میں سفیر تعینات ہونگے۔ میجر جنرل (ر) عمر فاروق برکی اردن، وائس ایڈمرل (ر) اطہر مختار مالدیب میں سفیر تعینات کیے گئے ہیں۔مریم مدیحہ آفتاب بلغاریہ، ڈاکٹر علی احمد آرائیں سنیگال، سردار اظہر طارق کو کرغیزستان میں سفیر تعینات کر دیا گیا ہے۔
