جمیکا(نیوزڈیسک)ویسٹ انڈیز کرکٹ بورڈ کے زیر اہتمام کیریبین پریمیئر لیگ 20جون سے شروع ہوگی۔ ٹورنامنٹ کے پہلے مرحلے میں کل 30 میچ کھیلے جائیں گے۔ ایونٹ کے ابتدائی مرحلے کا اختتام 21 جولائی کو ہوگا جس کے بعد پہلا سیمی فائنل 23 جولائی جبکہ دوسرا سیمی فائنل میچ 25 جولائی کو کھیلا جائے گا۔ ایونٹ کا فائنل 26 جولائی کو کھیلا جائے گا۔ اس لیگ مے ویسٹ کرکٹ ٹیم کے کھلاڑیوں کے ساتھ ساتھ دنیا بھر سے کرکٹ کے نامور ستارے شرکت کریں گے۔ ویسٹ انڈیز کرکٹ بورڈ نے اس امید کا اظہار کیا ہے کہ اس لیگ کے انعقاد سے ملک میں ٹوئنٹی20 کے کھیل کی مقبولیت میں اضافہ ہوگا اور ویسٹ انڈیز کے نوجوان اور باصلاحیت کھلاڑیوں کو بھی غیر ملکی کھلاڑیوں کے ساتھ کھیلنے کا موقعہ ملے گا۔