اسلام آباد(مانیٹرنگ ڈیسک)نجی ٹی وی پروگرا م میں گفتگو کرتے ہوئے سینئر تجزیہ کار حسن نثار نے کہا ہے کہ ملک میں تعلیم کومزید برباد کرنا ہے تو طلبہ یونینز بحال کردی جائیں، البتہ مشاعرے، تقریری مقابلوں اور بحث و مباحثہ کیلئے سوسائٹیز بنائی جاسکتی ہیں،پاکستانی معیشت کے اشاروں پر ہمیں خوش ہونا چاہئے، پی ٹی آئی حکومت کو پورا وقت ملا تو اقتصادی ورلڈکپ جیت جائے گی، ن لیگ اور پیپلز پارٹی

کی حکومتیں بہت لائق تھیں جو پاکستان کی معیشت کو بستر مرگ پر ڈال گئیں،ان کے بہت بڑے بڑے ناموں کی اربوں روپے کی بے نامی جائیدادیں نکلی ہیں،حکومت ان کے خلاف ایکشن نہیں لے رہی یہ اس کی نالائقی ہے،حکومت پر تحفظات میرے بھی ہیں لیکن ان کے حاسد معیشت کی بہتری دیکھنا نہیں چاہتے تھے، پی ٹی آئی کو جس حالت میں ملک ملا مینج نہیں ہوسکتا تھا،اس حالت میں معیشت کی بہتری معجزہ ہی ہے۔