اسلام آباد(نیوز ڈیسک) جیکب آبا د میں ریلوے ٹریک پر بم نصب کرتے ہوئے زور دار دھماکہ ہوگیا جس سے 2 تخریب کار زخمی ہوگئے جنہیں دیگر ساتھی لیکر فرار ہوگئے۔ریسکیو حکام نے ٹریک کی بحالی کام شروع کر دیا ہے ،میڈیا رپورٹس کے مطابق پیر کے روز جیکب آباد کی تحصیل ٹھل کے قریب ریلوے ٹریک پربم نصب کرتے ہوئے دھماکا ہوگیا۔جس سے2 تخریب کار زخمی ہوگئے جنھیں انکے ساتھی لے کر فرار ہوگئے۔ ایس ایس پی ظفر ملک کے مطابق ٹھل کے قریب انڑواہ کے مقام پر ریلوے ٹریک پرتخریب کاربم نصب کرررہے تھے کہ اس دوران دھماکاہوگیا،جس سےدو تخریب کارزخمی ہوگئے۔زخمی تخریب کاروں کوانکے ساتھ لے گئے۔دھماکے سے ریلوے ٹریک کو 2 سے 3 فٹ نقصان پہنچا۔ایس ایس پی کاکہناہے کہ علاقے کی ناکہ بندی کردی گئی ہے۔دھماکے کے بعد سکھر سے ٹریک کی مرمت کےلئے ٹیم پہنچ گئی ہے جو ٹریک بحالی کیلئے کام شروع کر دیا ہے۔