اسلام آباد(نیوز ڈیسک) عوامی تحریک کے سربراہ ڈاکٹر طاہر القادری کی طبیعت سنبھل گئی‘ ڈاکٹرز نے سفر کی اجازت دے دی 29 جون کو لندن سے لاہور پہنچیں گے۔ میڈیا رپورٹس کے مطابق علامہ ڈاکٹر طاہر القادری کی طبیعت بہتری کی طرف گامزن ہے اور کافی حد تک صحتیاب ہو گئے ہیں۔ ڈاکٹرز نے بھی انہیں سفر کرنے کی اجازت دے دی ہے اس لئے وہ 29 جون کو لندن سے سیدھے ماڈل ٹاﺅن لاہور میں اپنی رہائش گاہ پہنچے گے۔ رپورٹس کے مطابق ڈاکٹر طاہر القادری پاکستان میں قیام کے دوران مختلف شہروں میں اجتماعات میں شرکت کریں گے اور سانحہ ماڈل ٹاﺅن میں جاں بحق ہونے والے 14 کارکنوں کو انصاف فراہم کروانے کے لئے باقاعدہ تحریک کا بھی آغاز کریں گے جس کی وہ خود ماڈل ٹاﺅں میں رہ کر نگرانی کریں گے۔