اسلام آباد(نیوز ڈیسک)متحدہ قومی موومنٹ کے قائد الطاف حسین کی خصوصی ہدایت پر نائن زیرو عزیز آباد میں 13جون کی صبح ہونے والے ہنگامی جنرل ورکرز اجلاس سے ا لطاف حسین کے خطاب کی ’ سی ڈی“ اہم شخصیات کو روانہ کردی گئی ہیں۔ الطاف حسین نے اپنے خطاب میں ملک کے حکمرانوں اور لیڈروں اور عسکری عہدیداران کو مخاطب کرکے اہم باتیں کی ہیں۔ الطاف حسین کے خطاب کی سی ڈی جن شخصیات کو روانہ کی گئی ہیں ان میں وزیر اعظم پاکستان میاں محمد نواز شریف ،آصف علی زرداری،ڈائریکٹر جنرل رینجرزسندھ میجر جنرل بلال اکبر، معروف تاجر ایس ایم منیر اور معروف تاجر چوہدری ارشد شامل ہیں۔