کراچی (نیوزڈیسک)کراچی میں گزشتہ روز رینجرز کی جانب سے مومن آباد تھانے سے حراست میں لئے گئے پولیس اہلکار کو رہا کر دیا گیا۔ایس پی اورنگی علی آصف کے مطابق رینجرز نے مومن آباد تھانے سے حراست میں لئے گئے پولیس اہلکار جان محمد کو رہا کردیا ہے۔ رہا کیا جانے والے پولیس اہلکار کو مومن آباد تھانے میں والدین سے ملاقات کے بعد پولیس افسران کے حوالے کیا گیا ہے، جبکہ ایڈیشنل آئی جی کراچی غلام قادر تھیبو کا کہنا ہے کہ رینجرز کی جانب سے پولیس اہلکار کی گرفتاری غلط فہمی کا نتیجہ تھی۔ رہا ہونے والے اہلکار سے ہم بھی پوچھ گچھ کریں گے۔ ایس ایس پی ویسٹ اظفر مہیسر کے مطابق رینجرز نے تھانے میں ہوائی فائرنگ کی اور اہلکاروں پر تشدد بھی کیا، ذرائع کا کہنا ہے کہ پولیس اہلکار کو گینگ وار میں ملوث ہونے کے الزام میں حراست میں لیا گیا تھا۔