اسلام آباد(مانیٹرنگ ڈیسک) سینئر صحافی و تجزیہ کار طلعت حسین کی جانب سے اپنے ایک ٹویٹ میں دعویٰ کیا گیا ہے کہ مولانا فضل الرحمن کی آرمی چیف جنرل باجوہ سے ملاقات کی خبروں میں کوئی صداقت نہیں۔ انہوں نے یہ دعویٰ مولانا فضل الرحمن کی جماعت جے یو آئی (ایف) کے ذرائع کے حوالے سے کیا ہے۔ طلعت حسین نے اپنے ٹویٹ میں جے یو آئی( ف) کے ذرائع سے یہ بھی کہا

کہ مولانا فضل الرحمن نے آرمی چیف سے ملاقات میں اپنا موقف بلاخوف پیش کیا۔طلعت حسین نے اپنے ٹویٹ میں لکھا ہے ”مولانا فضل الرحمان کی جنرل باجوہ سے ملاقات حالیہ نہیں، پرانی ہے، جے یوآئی ذرائع کا بیان۔ ملاقات کا احوال اخباری رپورٹس سے ملتا جلتا ہے مگر یہ رپورٹس یکطرفہ ہیں۔ مولانا نے جنرل باجوہ سے ملاقات میں اپنا موقف بلا خوف پیش کیا۔اب جوہو گا دیکھا جائے گا، ذرائع۔‘‘