اسلام آباد (مانیٹرنگ ڈیسک) ایک بزرگ خاتون نے مولانا فضل الرحمن کے دھرنے پر تنقید کرتے ہوئے کہا ہے کہ آپ لوگ وزیراعظم عمران خان کے پیچھے کیوں پڑے ہوئے ہیں جبکہ وہ اتنا اچھا کام کر رہا ہے جو پیسے کھا کر جیل میں پڑے ہوئے ہیں ، آپ کیوں ان لوگوں کی طرف داری کر رہے ہیں ۔ ان کا کہنا تھا کہ آپ لوگ خدا کا خوف کریں ، کسی کو چین سے رہنے دیں ، دھرنا کرنے کا فائدہ کیا ، اس کا کوئی فائدہ نہیں ہے ، اس سے پاکستان کا نام خراب ہو گا ۔
آپ لوگوں سے میری گزارش ہے کہ آپ دھرنا نہ دیں بلکہ آپ اطمینان رکھیں ، عمران خان پاکستان کی تقدیر کو بدلے گا ، اس کیلئےآپ کو صبر کرنا ہو گا ۔اس میں آپ کا ہم سب کا بلکہ پورے پاکستان کا فائدہ ہے ۔ بزرگ خاتون کا مزید کہنا تھا کہ جو جیل میں پڑے ہوئے ہیں میرا بس چلے تو میں ان تینوں کو عوام کے سامنے پھانسی پر چڑھا دوں ۔ عمران خان کیلئے میں ہر نماز میں دعا کرتی ہوں کہ اللہ پاک ان کی جان و مال کی حفاظت فرمائے اور اس کے دشمنوں کو دوست بنا دے ۔
