اسلام آباد (این این آئی)وزیراعظم عمران خان نے ذخیرہ اندوزوں اور ناجائز منافع کے خاتمے کیلئے مڈل مین کا کردار ختم کرنے کی ہدایت کردی ہے۔ وزیراعظم عمران خان کی معاون خصوصی برائے اطلاعات و نشریات فردوس عاشق اعوان نے بتایا کہ وزیراعظم نے عوام کو ریلیف دینے کے لیے مختلف وزارتوں سے تجاویز طلب کر لی ہیں۔انہوں نے کہاکہ وزیراعظم
نے ناجائز منافع خوری کے خاتمے کے لیے منڈیوں تک سامان کی ترسیل کے لیے مڈل مین کے کردار کو ختم کرنے کی ہدایت کی ہے۔معاو ن خصوصی نے کہاکہ سندھ حکومت نے پچھلے سال گندم کا ذخیرہ نہیں کیا جس سے کراچی اور حیدرآباد میں آٹا مہنگا ہوا۔واضح رہے کہ وزیراعظم مصنوعی مہنگائی پیدا کرنے والوں کے خلاف سخت کارروائی کی ہدایت بھی کر چکے ہیں۔
