لاہور(این این آئی) نیا پاکستان ہائوسنگ پراجیکٹ اوکاڑہ کے گھروں کی الاٹمنٹ کیلئے قرعہ اندازی آج بروز ( ہفتہ ) کو ہوگی۔ وزیرہائوسنگ و اربن ڈویلپمنٹ میاں محمودالرشید نے اس ضمن میں بتایاکہ شیرگڑھ روڈ رینالہ خورد میں نیاپاکستان ہائوسنگ پراجیکٹ کی

سائٹ پر ہونے والی قرعہ اندازی میں کامیاب درخواست دہندگان کوگھروں کی الاٹمنٹ کی جائے گی۔ انہوں نے بتایاکہ قبل ازیں گزشتہ ہفتے لودھراں میں نیاپاکستان ہائوسنگ پراجیکٹ کے کامیاب درخواست دہندگان کو گھروں کی الاٹمنٹ کا عمل مکمل کیا جاچکاہے۔