پشاور(این این آئی)گھریلو مرغبانی اسکیم کے تحت وزیراعلی خیبر پختونخوا نے 200خواتین میں 5، 5مرغیاں تقسیم کیں جبکہ خیبرپختونخوا کے وزیراعلی محمود خان نے کہاہے کہ وزیراعظم عمران خان کے ویڑن کا مذاق اڑانے والے دیکھ لیں آج ان منصوبوں کو عملی جامعہ پہنا دیا گیا ہے خیبر پختونخوا کے دارالحکومت پشاور میں گھریلو مرغبانی منصوبے کی افتتاحی تقریب میں وزیر اعلی خیبر پختونخوا نے کہا کہ
فضل الرحمان کی طاقت کل عوام نے دیکھ لی اگلے باری بھی پی ٹی آئی کامیاب ہوگی۔کے پی حکومت نے وزیراعظم عمران خان کے اعلان کردہ منصوبے گھریلو مرغبانی پر باقاعدہ کام شروع کردیاہے۔ جس کے لیے ابتدائی طور پر 200 خواتین میں پانچ مرغیوں اور ایک مرغے کا سیٹ تقسیم کردیا گیا۔وزیراعلی محمود خان نیتقریب سے خطاب کرتے ہوئے اپوزیشن جماعتوں کو خوب آڑے ہاتھو لیا۔ محمود خان نے کہا کہ عمران خان کے ویژن پر ہنسنے والے حقیقت دیکھ لیں۔ پاکستان ترقی کررہا ہے۔ مولانا فضل الرحمان سمیت اپوزیشن جماعتیں انتظار کریں۔پی ٹی آئی کے مرکزی رہنما جہانگیر ترین نے بھی تقریب سے خطاب کرتے ہوئے خطاب کیا۔ انہوں نے کہا کہ عمران خان پاکستان میں امید کی علامت ہیں۔ گزشتہ دس سالوں سے پاکستان میں کرپٹ افراد حکومت میں تھیپہلی مرتبہ صاف ستھری حکومت آئی ہے۔اس موقع پر وزیراعظم کے مشیر برائے اسٹیبلشمنٹ ارباب شہزاد نے بھی خطاب کیا۔ انہوں نے کہا کہ اس منصوبے سے صوبے کے تمام افراد فائدہ اٹھا سکتے ہیں جس پر 80 کروڑ کی لاگت آئے گی۔
